Nazioarteko zenbait mugimendu politikotan atsekabea eragin du Igor Gonzalez Sola euskal preso politikoaren heriotzak eta euskal preso politikoek bizi duten egoera ankerra salatu dute. Hala, Latinoamerika eta Irlandatik presoekiko elkartasun mezuak iritsi zaizkigu, eta euskal preso politikoek bizi duten salbuespen egoerari aterabidea emateko galdegin diote Estatu espainiarrari.
Sinn Fein-en izenean, Pat Sheehan buruzagiak doluminak helarazi dizkie Gonzalezen senide eta lagunei. “Espainiar Estatuko zenbait kartzelatatan hamabost urte eman ondoren, Euskal Herriko batera ekarri zuten Igor, eta gaixorik larri egon arren, kartzelan jarraitzen zuen”, ekarri du gogora. “Bake-prozesuak ia hamarkada bat dauka eta espainiar Estatuaren ardura da 230 euskal presoen egoera konpontzea, aldez aurretik aske uzteko plan bat proposatzea barne”.
Kolonbiako Valledupar espetxetik, ELNko Edward Atencio eta FARC ohiko Benkos Bioho kolektiboetako preso politikoek munduko preso politikoen egoera zaurgarria salatzeko deia egin diote nazioarteko erakunde zein norbanakoei. “Bereziki, espero dugu zuen ekintza irmoa, 230 euskal presoen baldintzapeko eta behin betiko askatasuna lortze aldera presioa egin dezazuen, eta hori gertatzen den bitartean, Euskal Herriko espetxeetara lekualdaketa sozial eta familiarra berma dadin eta gainerako oinarrizko eskubide guztiak berma daitezen”. ELNko eta FARC ohiko presoen esanetan, “euskal preso politikoei indarrak batzeko deia egiten diegu bizitzaren, duintasunaren eta askatasunaren aldeko borroka honetan, etorkizun hurbil batean aske jarrai ahal dezagun, bakearen eta justizia sozialaren alde banderak altxata, independentziaren eta burujabetzaren alde, gure herrientzako mundu hobe baten alde”.
Kolonbiako Campaña Internacional Simon en Libertad ekimenak doluminak agertu dizkio Igor Gonzalezen familiari. Euskal preso politikoei haien elkartasuna agertzeaz gain, arrazoizkotzat jotzen dituzte haien eskerak. “Posible denez, bat egiten dugu familiarengandik eta gizartearengandik gertuago egoteko eskariarekin, Euskal Herriko espetxeetara lekualdatzearekin, gaixo diren preso politikoei gizalegezko tratua ematearekin, haien duintasun eta oinarrizko giza eskubideak erabat errespetatzearekin”.
Argentinako Encuentro de Profesionales contra la Tortura erakunde argentinarrak gogor salatu du heriotza.”Ororen gainetk, espainiako autoritate judizialak dira gure ustez homizidio honen arduradun nagusiak, haien konstituzioa bera urratuz, oraindik ere indarrean mantentzen baitute errepresalia faxista euskal herriaren gainean, 230 presoak bahitu gisa erabiliz espetxe espainiarretan”.
Argentinako Colectivo a Casa elkarteak ere euskal preso politikoen eskariak babestu ditu eta salbuespeneko egoera bertan behar uzteko exijitu. “Argentinarrok eta latino amerikarrok oso ondo dakigu nola diktadura zibiko-militarrek utzitako ajeek nola dirauten gure ustezko demokrazien oinarrietan, eta horrexegatik ondotxo dakigu nori agertu behar diogun gure elkartasuna eta nor interpelatu behar dugun”, adierazi du agiri batean.
Nazioarteko zenbait mugimendu politikotan atsekabea eragin du Igor Gonzalez Sola euskal preso politikoaren heriotzak eta euskal preso politikoek bizi duten egoera ankerra salatu dute. Hala, Latinoamerika eta Irlandatik presoekiko elkartasun mezuak iritsi zaizkigu, eta euskal preso politikoek bizi duten salbuespen egoerari aterabidea emateko galdegin diote Estatu espainiarrari.
Sinn Fein-en izenean, Pat Sheehan buruzagiak doluminak helarazi dizkie Gonzalezen senide eta lagunei. “Espainiar Estatuko zenbait kartzelatatan hamabost urte eman ondoren, Euskal Herriko batera ekarri zuten Igor, eta gaixorik larri egon arren, kartzelan jarraitzen zuen”, ekarri du gogora. “Bake-prozesuak ia hamarkada bat dauka eta espainiar Estatuaren ardura da 230 euskal presoen egoera konpontzea, aldez aurretik aske uzteko plan bat proposatzea barne”.
Kolonbiako Valledupar espetxetik, ELNko Edward Atencio eta FARC ohiko Benkos Bioho kolektiboetako preso politikoek munduko preso politikoen egoera zaurgarria salatzeko deia egin diote nazioarteko erakunde zein norbanakoei. “Bereziki, espero dugu zuen ekintza irmoa, 230 euskal presoen baldintzapeko eta behin betiko askatasuna lortze aldera presioa egin dezazuen, eta hori gertatzen den bitartean, Euskal Herriko espetxeetara lekualdaketa sozial eta familiarra berma dadin eta gainerako oinarrizko eskubide guztiak berma daitezen”. ELNko eta FARC ohiko presoen esanetan, “euskal preso politikoei indarrak batzeko deia egiten diegu bizitzaren, duintasunaren eta askatasunaren aldeko borroka honetan, etorkizun hurbil batean aske jarrai ahal dezagun, bakearen eta justizia sozialaren alde banderak altxata, independentziaren eta burujabetzaren alde, gure herrientzako mundu hobe baten alde”.
Kolonbiako Campaña Internacional Simon en Libertad ekimenak doluminak agertu dizkio Igor Gonzalezen familiari. Euskal preso politikoei haien elkartasuna agertzeaz gain, arrazoizkotzat jotzen dituzte haien eskerak. “Posible denez, bat egiten dugu familiarengandik eta gizartearengandik gertuago egoteko eskariarekin, Euskal Herriko espetxeetara lekualdatzearekin, gaixo diren preso politikoei gizalegezko tratua ematearekin, haien duintasun eta oinarrizko giza eskubideak erabat errespetatzearekin”.
Argentinako Encuentro de Profesionales contra la Tortura erakunde argentinarrak gogor salatu du heriotza.”Ororen gainetk, espainiako autoritate judizialak dira gure ustez homizidio honen arduradun nagusiak, haien konstituzioa bera urratuz, oraindik ere indarrean mantentzen baitute errepresalia faxista euskal herriaren gainean, 230 presoak bahitu gisa erabiliz espetxe espainiarretan”.
Argentinako Colectivo a Casa elkarteak ere euskal preso politikoen eskariak babestu ditu eta salbuespeneko egoera bertan behar uzteko exijitu. “Argentinarrok eta latino amerikarrok oso ondo dakigu nola diktadura zibiko-militarrek utzitako ajeek nola dirauten gure ustezko demokrazien oinarrietan, eta horrexegatik ondotxo dakigu nori agertu behar diogun gure elkartasuna eta nor interpelatu behar dugun”, adierazi du agiri batean.
Txerra Martinezek 18 urte eman zituen kartzelan, eta Oskar Abadek, 21. Haien zigorra bete ondoren kalean dira 2009az eta 2012az geroztik, hurrenez hurren. Hala ere, Estatu-aparatuentzat bi basauriarrek espetxean egindako urteak ez dira aski, eta duela 30 urteko beste kausa bategatik epaituko dituzte irailaren 8an Auzitegi Nazionalean. Estatu-aparatuek bakeari eta bizikidetzari ekarpena egiteko urratsa egin beharrean, mendekuan oinarritutako salbuespenezko justizia aplikatzen jarraitzearekin tematu dira.
Gatazkari kateatzeko erabaki arduragabe honek kezkatu ez ezik asaldatu ere egiten gaitu. Ezin izango dute zapuztu herri honen determinazioa bake, bizikidetza eta askatasun agertoki berri bat eskuratzeko. Berresten dugu gatazka politikoari irtenbide demokratikoa emateko ordua dela, eta ez errepresioan tematzekoa. Espetxeak husteko garaia da, orain, euskal jendartean espetxe-politika aldatzeko inoizko adostasunik zabalena existitzen den honetan. Kartzelak betetzeak herri honetan oraindik amaitu ez den amesgaiztoa betikotu baino ez du egiten.
Datozen egunotan, ‘Bakea eta demokrazia. Erasorik ez!’ lelopean egingo diren mobilizazioekin bat egiten du SORTUk eta haietan parte hartzeko deia egiten du:
- Irailak 5, larunbata, Basaurin (Bentako Plazan) 19:00etan.
- Irailak 8, asteartea, Bakion (Iru-Biden) 20:00etan.
2020-09-03Itxaso Zaldua preso politiko ohiaren atxiloketa gogor salatzen du SORTUk, eta lehenbailehen aske uzteko exijitu du. Estatuei eskatu die, behingoz, bide politiko eta demokratiko hutsen aldeko apustua egin dezaten. Atxiloketa hau beste oztopo bat da herri honek determinazio osoz hartutako norabidean; bake, bizikidetza eta askatasunera bidean. Berresten dugu gatazka politikoari irtenbide demokratikoa emateko garaia dela, eta ez errepresioan tematzekoa. Espetxeak husteko garaia da, ez haiek betetzen jarraitzekoa.
Euskal Herriaren eta Estatuaren arteko harreman-politikoa oinarri demokratiko sendoen gainean eraiki behar da. Horretarako ezinbestekoa da arazoei arrazoizko konponbidea ematea, berme nagusiak euskal jendartearen aktibazioa eta inplikazioa izanik.
2020-07-21Ohar honen bidez Zarauzko eraso matxistaren harira sortu den harrabotsa dela eta Sortuk ondorengoa adierazi nahi du:
1. Tolerantzia zero. Aski ezaguna da Ezker Abertzalearen konpromisoa eta irmotasuna bai indarkeria matxistaren kontra bai, oro har, gizartearen eta ezker abertzalearen beraren eraldaketa feministaren alde. Ezker abertzaleak indarkeria matxistari aurre egin izan dio beti; beti salatu ditu eta salatuko ditu eraso matxistak, izan jendartean gertatuak, izan gure komunitatearen baitan gertatuak. Izan ere, ezker abertzalea jendartearen parte denez gero, estrukturala den matxismoak, zoritxarrez, gure komunitatea ere alderik alde zeharkatzen baitu. Horregatik daukagu indarkeria matxista kasuak kudeatzeko barne protokoloa, dagoeneko hogei urte bete dituena eta, mugimendu feministako zenbait kideren nahiz aditu ezberdinen laguntzaz, aurten berritu eta zorroztu duguna. Bada, barne protokolo horren bidez, gertatutako eraso guztiak eta haietako bakoitza bana-banan aztertu eta kudeatu izan dugu. Inoiz ez dugu zalantza izpirik izan hartu beharreko neurri eta erabakiak hartzeko, edozein zirelarik ere kontestua, erasoaren egilea edota neurri horiek hartzearen ondorioak. Hala erakusten du hemerotekak. Eta hala erakusten du Zarauzko kasu honek ere, erasoaren berri jakin orduko erasoa egin zuen kidearen militantzia eten baikenuen, baita Barne Protokoloan aurreikusitako gainerako urratsak egin ere. Beraz, inork ezin dio leporatu ezker abertzaleari eraso matxisten aurrean beste aldera begiratzea edo erasotzailea ezker abertzalekoa denean berau babestea. Tolerantzia zero izan da eta izango da gure leloa hitzez eta ekintzez.
2. Erasoa jasan duen pertsona erdigunean. Hori da gure Barne Protokoloaren oinarri nagusietako bat. Protokoloan jasotako urratsak egiteko erasoa jasan duen pertsonaren borondatea kontutan hartzen dugu beti. Zarauzko kasuan ere hala izan da. Erasoa jasan duen pertsonaren borondatea izan da orain arte eraso matxista hau publikoki ez salatzea eta Sortuk borondate hori errespetatu baizik ez du egin. Hala ere, erasotuak babes nahikorik gabe sentitu dela badio, guk onartu eta errespetatu beste aukerarik ez dugu. Prozesu hauek konplexuak eta delikatuak dira, eta beti ez da asmatzen. Aitzitik, ez da egia erasoa ezkutatzen edota erasotzailea babesten saiatu garenik. Ez dugu akusazio hori inondik inora onartzen.
3. Balio ezkertiar eta feministak, eraldaketarako oinarriak. Oro har, gizartean baina, zoritxarrez, baita ezkerreko sektore batzuetan ere dagoen pultsio punitiboak kezkatzen gaitu. Sortuk hala feminismoaren balioetan nola haren justiziaren kontzepzioan sinisten du: erasoa jasan duenaren erreparazioan eta, posible den kasuetan eta posible den heinean, behintzat, erasoa egin duenaren heziketa feministan eta berreskurapenean. Sorturen protokoloaren printzipio nagusiak horiek dira.
4. Sektore jakin batzuen aldetik Sorturen nahiz ezker abertzalearen izena eta izana kaltetzeko nahia salatzen dugu, oraingoan gai honekin. Baita, saiakera horretan, beste behin ere, komunikabide jakin batzuen kolaborazio ordainezin eta sutsuarekin kontatu izana ere, zeintzuk, Sorturekin inolako kontrasterik egin gabe, albistearen bertsio bakarra eman eta titularretara gezurrak eraman dituzten. Bada, halako jokabide maltzurrekin, fabore gutxi egiten zaizkio bai borroka feministak urte luzeetako borrokaren bitartez lortutakoei, baita erasoa jasan duen pertsonak dituen beharrei ere.
2020-06-05