KANPAINAK


euskal herria

Egin diezaiegun aurre! Guk EH Bildu

2019-04-11

Hauteskunde espainiarrak egoera berezian datoz. Nazionalismo espainiarraren ofentsiba ikaragarria da, Espainiaren batasuna arriskuan dagoela ohartu baitira. Euskal Herrian garatutako 40 urteko borrokak trantsizio deiturikoa ez istea lortu du. Eta Kataluaniako prozesuak kinka larrian jarri du Espainiaren proiektua: bere batasunean eta kapitalismoan oinarritua.

EH Bilduk eta ERCk lortutako akordioak konfrontazio egoera areagotu du. Indar hauek espainiar trifachitoari aurre egiteko aukera erreala dira orain, Kongresuan erabakigarriak izateko aukera handiak baitaude. Era berean, 78ko erregimenaren parte den PSOE baldintzatzeko giltza ere izan gaitezke.

euskal herrigintza

Gora euskararen herria!

2019-04-03

Korrikaren 21. edizioak Euskal Herria zeharkatuko du hamar egunez. Apirilaren 4tik 14ra, Garesetik Gasteizera, euskararen aldeko ekimen erraldoienari babesa emango diogu.

bakea eta bizikidetza

Preso Politikoen Nazioarteko Eguna

2019-04-02

Apirilaren 17an, Preso Politikoen Nazioarteko Egunean, euskal preso, iheslari eta deportatu politikoak etxean libre behar ditugula aldarrikatuko dugu. Azken urteetan, espetxe-politikaren aldaketa aldarrikapen sozial garrantzitsu bihurtu da Euskal Herrian. Kontuan dugu Estatuak espetxe-politika darabilela askapen-prozesua baldintzatzeko. Espainiako Estatua ezartzen ari den blokeoari aurre egin behar diogu, beraz, mobilizazioaren, indar metaketaren eta ezeberdinen arteko akordioak bultzatuz.

Preso Politikoen Nazioarteko Egunaren testuinguruan, aurten Lemoan egingo da ekitaldi nazionala, apirilaren 19an. 17:00etik aurrera hango frontoian parte hartzeko deia egiten dugu.

demokrazia eta erabakitzeko eskubidea

Kolpez Kolpe

2019-03-16

SORTUk sakon aztertu du Nafarroako erregimena zer den eta garrantzitsua deritzo Aldaketa zertan den ulertaraztea. Erregimena sare politiko-instituzionalaz harago doan zerbait da. Nafarroako Erregimena sistema juridiko-politiko, ekonomiko, sozial eta kultural bat da, elite espainiarzale atzerakoien nagusitasuna eta Espainiarekiko menpekotasuna posible egiten dituena. 

Aldaketak Erregimenaren harresian arrakala sortu du, baina harresia botatzeko asko dago egiteko, aldaketa prozesua indartu eta azkartu beharra dago.

Irakurri txostena hemen:

http://sortu.eus/fitxategiak/prentsaaretoa/1553523493.pdf

bakea eta bizikidetza

Hau ez da justizia. Altsasukoak askatu!

2019-03-08

Espainiar Estatuan 13 urteko kartzela zigorra ezarri berri zaie gazte batzuei taberna batean izandako borroka bategatik. Espainiar Estatuan txiolariak, raperoak eta titiriteroak kartzelaratu egiten dituzte. Espainiar Estatuan une honetan Kataluniako lider politikoak epaitzen ari dira eta 25 urtera arteko espetxe zigorrak ezarri nahi dizkiete, zergatik eta erreferendum bat deitzeagatik. Eta espainiar Estatu honetan, bien bitartean, aldi berean milaka eta milaka genozida frankista, milaka eta milaka torturatzaile, ustel edo hamarnaka bortxatzaile, Manadakoak bezalaxe, kalean dira. Horixe da espainiar Estatuaren benetako izaera.

"Kalera atera beharra dago beste behin ere, Altsasukoen askatasuna aldarrikatzeko eta exijitzeko. Baina batez ere kalera atera beharra dago geure herrien askatasuna exijitzeko. Askotan esan dugun bezalaxe, ez katalanek ez euskal herritarrek ez dugu benetako demokraziarik ezagutuko espainiar Estatuaren menpe jarraitzen dugun artean.