KANPAINAK


ekonomia eta bizi baldintzak

Trump Euskal Herrira dator

2019-07-11

Kresal usaina, eguzki sargoria, hondartza giroa, neska-mutilak arropa arinekin paseoan. Izan zitekeen Donostiako Zinemaldiko estanpa bat, baina ez da. Donald Trump Estatu Batuetako presidentea Euskal Herrira dator. Ez dator Donostiara, Miarritzera dator. Abuztuaren 24tik 26ra. Eguzki sargoria, kresal usaina bai; baina neska-mutilik paseoan ez eta hondartza hutsak izango dira irudia.

Ez dator Trump bakarrik. G7 delako elkartearen Gailurra egingo dute berarekin Frantzia, Kanada, Alemania, Erresuma Batua, Japonia eta Italiako presidenteek eta Europako Kontseiluko lehendakariak eta Eurotaldeko presidenteak. Ezberdintasun sozialez, krisi klimatikoaz eta demokraziaren indartzeaz hitz egitera datoz. Haiek Frantzia hegoaldeko herri turistiko batera datoz Gailurra egitera. Euren atzetik, G7aren eta euren politika neoliberalen aurka protesta egitera datozen mundu osoko milaka aktibista etorriko dira. Guk diogu Euskal Herrira datozela. Bere autodeterminazio eskubidea ukatua duen herri zapaldura. Hemendik, mundu justu baten alde borrokan ari garela diogu: ezberdintasun sozialen aurka, krisi klimatikoaren aurka eta sakoneko demokraziaren alde. Horretan esperientzia sakona eta eredugarria dugula diogu, independentzia, sozialismoaren eta feminismoaren aldeko borroka, sakoneko demokraziaren aldeko borroka delako.

G7aren gailurraz informatzeko fanzine bat kaleratu dugu. Hemen irakurri edo deskarga daiteke. 

borroka feminista

50 urte geroago, errespetua eta askatasuna exijitzen jarraitzen dugu

2019-06-27

Stonewalleko altxamenduaren 50. urteurrena ospatzen da aurten. LGTBI mugimenduaren eskubideen aldeko borrokaren mugarri garrantzitsu hura oroitzen ari gara. Gogora dezagun modu espontaneoan erantzun bat emateko gauza izan zirela, poliziak hainbat gayren aurka egindako sarekadaren ostean.

50 urte pasatu arren, LGTBI mugimenduak era guztietako erasoak pairatzen ditu oraindik. Eraso horiek onartezinak dira eta guztiz desager daitezen ez da nahikoa agintarien postureoa ekainaren 28 guztietan, konpromiso eta neurri politiko zehatzak baizik. Pertsona guztiek eskubide guztiak merezi dituzte, duten orientazio sexuala dutela, duten genero identitatea dutela. Horregatik da beharrezkoa LGTBI mugimenduarentzat errespetua eta askatasuna aldarrikatzen jarraitzea.

bakea eta bizikidetza

Bakea eta askatasuna irabaztera! Atxilotuak askatu

2019-05-16

Josu Urrutikoetxea izan da bakearen aldeko konpromiso handiena erakutsi duen etakideetako bat. Hain zuzen, berak jarri zion ahotsa ETA desegin zeneko agiriari. Beraz, bera dugu bakearen aldeko ekarpena egin zuenetako bat, ETAren indarkeria euskal politikagintzako ekuazio politikotik behin betirako atera zuenetako bat.

ETA desagertu zen, ETAren biolentzia betiko desagertu zen baina herri honetan biolentziak izan badira: estatuen biolentziak indarrean jarraitzen dute.

Zentzu horretan, dei egiten diegu estatuei eta PSOEri egin dezatela behingoz, bere garaian ezker abertzaleak egin zuen bezalaxe, estrategia demokratiko eta baketsu baten aldeko apustua.

Bakearen etsaiak berandu datoz, ez dutelako lortu herri honen bakeranzko bidea galarazterik. Orain ere, ez dute lortuko. Euskal gizarteak aspaldi egin zuen hautua bake eta askatasun agertoki baten aldekoa.

euskal herria

Beste kolpe bat!

2019-05-09

Nafarroako Aldaketak Erregimenaren harresian arrakala sortu du, baina harresia botatzeko asko dago egiteko, aldaketa prozesua indartu eta azkartu beharra dago. Azken 40 urteetan, herri mugimenduetatik zein instituzioetatik egindako borrokak kolpeak izan dira Erregimenaren murruan. 

Maiatzaren 26ko hauteskundeetan, EH Bilduren aldeko bozka, Erregimena eraisteko kolpe berri bat izango da. Eman diezaiogun beste kolpe bat!

euskal herria

Euskal Errepublikarantz, boterea Herriarentzat! Guk EH Bildu

2019-05-09

Espainiar hauteskundeetan autoritarismoaren aurkako olatu soberanistak trifatxitoa geldiarazi zuen Euskal Herrian. Orain, olatu hori Europako eta Euskal Herriko instituzioetara eraman behar dugu. Europan ere autoritarismoari aurre egiteko eta Euskal Herriaren ahotsa entzun arazteko. Udaletatik eta Foru Aldundietatik Euskal Errepublika behetik gora eraikitzeko. Demokrazian sakonduz guztietan.

Esperientzia munizipalista aberatsa dugu. Herrigintza mugimenduen bultzada eta instituzioen aukerak batuz.