Gure planetaren baliabideak mugatuak izan arren, eredu kapitalistak ez du mugarik. Gelditu ere ez da egiten, aurrean harrapatzen duen guztia suntsitu arte. Sistema kapitalistak eragin du klima-larrialdia, beste desoreka nabarmen askorekin batera. Konpondu ezik, areagotu egiten ditu emakumeen zapalkuntza, migrazio-krisiak, goseteak, pobrezia, langabezia, prekarietatea, gerra...
Mende amaieran, Lurraren tenperatura 3ºC igoko da orain arte bezala jarraituz gero. Hurrengo 10 edo 20 urteetan hartuko diren neurriek erabakiko dute gure ondorengoen geroa.
Hego Euskal Herrian, herritar bakoitzak 9 tona CO2 isuri zituen 2017an, Europako Batasunean (8,4 tona) eta Estatu espainiarrean (7,2) zenbatutako kopuruaren gainetik.
Alarma gorri guztiak piztu dira. Munduak trantsizio sozio-ekologikoa behar du eta gu gure aletxoa jartzeko prest gaude. Gure iparrorratza da karbono isurietan neutroa izango den Euskal Herri batera abiatzea. Hemen asmatu genuen auzolana, besteak beste, basoak, bideak edo ibaiak garbitzeko. Gainera, iraunkortasunaren eta ingurumenaren alde esperientzia ugari metatu ditugu azken hamarkadetan (kontsumo taldeak, borroka antinuklearra, AHTaren aurkakoa, energia berriztagarrien aldeko kooperatibismoa...). Arazo global honi aurre egiteko prest gaude. Burujabetza behar dugu, tresna propioak behar ditugu.
Kapitalismoak bizitza jartzen du arriskuan. Norabide aldaketa behar dugu. Berandu baino lehen.
Irailaren 20tik 27ra mobilizazioak mundu osoan.
Albert Riverak Ugaoko frontoiako hitzaldian gezurrak eta gorrotoa zabaldu nahi izan baditu ere, SORTUko aktibista boluntarioek berak jaurtitako horiek desinfektatu dituzte, Ciudadanosen ikuskizunaren ostean. Modu honetan, Ugaoko herriak emandako erantzunarekin bat egiteaz gain, autoritasimoaren eta eskuin muturraren arriskuez ohartarazi du SORTUk.
Garbiketa-ekintzan parte hartu duten kideen arabera, “eskuin muturra eta autoritarismoa arriskutsuak dira Euskal Herriarentzat. Gaur Ciudadanos alderdia etorri da Ugaora, Albert Rivera buru dutela, gorrotoz eta inposizio diskurtsoa zabaltzera. Euskal gizarteak aspaldi egin zuen bakearen aldeko hautua. Ciudadanosen helburua ordea euskal herritarrak bakea eta askatasuna lortzeko egiten ari diren ahalegin oro zapuztea da, interes alderdikoiak lehenetsita”.
“Trifatxitoak bazter guztiak zabarkeriaz, gezurrez eta irainez bete nahi du. Desinfekzio brigada antolatu dugu gaur bere gorroto-diskurtsoa garbitzeko. Euskal Herrian bakea eta bizikidetza eraikitzea oztopatu nahi duelako”.
#GoraHerria
Eskuin muturra, faxismoa eta autoritarismoa mehatxua dira Euskal Herriarentzat. Euren programa atzerakoia inposatzera datoz. Ez dugu onartuko. Casado, Rivera eta Abascal ez dira ongi etorriak Euskal Herrian. Jakin dezaketa gure eskubide nazionalen eta sozialen alde borrokan jarraituko dugula.
Trifatxitoak dena kakaztu nahi du euren zabarkeria, gezur eta irainekin. Hori dela eta Sortuk desinfekzio kanpaina jarri du abian, zikinkeria hori desagerrarazteko, berandu izan baino lehen. Gure etorkizuna dago jokoan.
Euskal Herriko txirrindulari itzulian ere aldarrikapen politikoak lau haizeetara.
A28an EH Bildu
R78 ez. Independentzia!
Presoak Kalera!
Igandean Kontxako Hondartzan 2.000 gurutze jarri zituen SORTUk errefuxiatuen egoera salatzeko. 2.000 gurutze, 2018an Mediterraneoan hildako pertsona bakoitzeko bat.
Espainiar eta Frantziar Estatuen migrazio politika kriminala da. Ez dute hitz emandakoa bete, pertsonak babestu eta erreskatatu beharrean, oztopoak jartzen dizkiete. Eta gainera, herritar boluntarioen lana oztopatzen dute, Aita Mari ontziaren debekuarekin edo Hendaia eta Irun arteko "mugako" itzulketa beroekin ikusi dugun gisan.
Zer egin?
1. Eskua luzatu. Betebeharra da.
2. Xenofobiari aurre egin. Euskal Herria harrera herria da. Euskal Herria herri migrantea da.
3. Migrazio behartuaren oinarriko arrazoiak borrokatu. Pobrezia, beldurra, segurtasun falta. Kapitalismoa.
Euskal Herriak burujabetza behar du migrazio politika egokiak erabakitzeko.
Otsailaren 3an "Pertsona guztiak, eskubide guztiak" lelopean egingo den manifestazioarekin bat egiten dugu.