Gainbeheran dagoen espainiar inperialismoa eta kolonialismoa salatzeko kanpaina. Espainiar kolonialismoak zapaldutako herri ezberdinaketako kideok elkarlanean antolatu dugu ekimena izan da.
Pandemiaren aitzakiarekin, Espainiako militarrak sartu dizkigute nonahi, bizitza publikoaren militarizatzea eta Espainiarekiko menpekotasunaren beharra irents ditzagun. Lehen, desinfektatze lanak egitera ekarri omen zituzten. Oraingoan, Covid-19aren aztarnari lanak egitera omen datoz.
Nafarroa intsumisioaren lurraldea da. Hamaika aldiz esan du, ozen esan ere, ez duela militarrik nahi, ez duela militarrik behar.
Herritarrak erdigunean jarri behar dira, herritarren zaintza bermatu. Horretarako, osasungintzarako baliabideak behar ditugu, enplegu publikoa sustatuko duten neurriak.
MILITARRAK KANPORA!
LEHENIK HERRIA!
Kezkatuta gaude. Haserre. Espetxe-politika kriminal honek 49 euskal herritar hil ditu. Horregatik, aski dela esan diogu Espainiako Gobernuari. Gobernuaren Bilboko Ordezkaritza Ordearen aurrean pasa dugu gau osoa eta erabaki politikoak berehala har ditzan exijitu diogu. Orain.
Gure herriak bere historia ezagutzea merezi du. Gure herria bere historiari zor zaio. 778ko abuztuaren 15ean, Iruñea erretzetik zetorren Karlomagnoren ejerzitoa segatu eta bere iloba Errolan hil zuten baskoiek Orreaga inguruko basoetan. 1967tik gaur arte, Errolanen omenezko monumentua dago Ibañetan, eta hura garaitu zuten baskoien arrastorik ez. Ibañetara igo gara, inbasorearen aldeko monumentu hau eraldatzera, baskoion aldeko monumentu bihurtzeko. Monumenturik behar izatekotan, gure lurra defendatu zutenek merezi dutelako, eta ez Errolanek.
Arturo Kanpionek 1880an transkribatu zuen bezala: "Iruzkiak argizen tu mendiak. Garaitua Karlomano iyes doaye. Herritarrak, haur zein heldu, danzan ai diré kóntentuz beteik Ibañetan. Inbasorerik ezta Euskal Herrian, eta menditarren irrintziak eiltzen diré zeruetaraño".
GORA HERRIA!
Espainiar monarkia espainiar batasunaren inposizioaren sinboloa da; 78ko erregimen postfrankistaren sinboloa, guztion artean ordaintzen ari garena. Erregeak gure kontura aberastu dira, eta ez dute egindakoaz konturik emateko derrigortasunik.
Guk, Euskal Errepublika