bakea eta bizikidetza

Presentzia itogarria

2019-05-08

Guardia Zibilak Iruñeko kaleetan egin nahi duen desfilearen prestaketa lanak pairatzen ari gara azken orduotan.

Guardia Zibilak bihar Iruñeko kaleetan egin nahi duen desfilearen prestaketa lanak pairatzen ari gara azken orduotan. Horren harira, SORTUk honakoa adierazi nahi du:

Erabat itogarria da Iruñeko kaleetan uniformaturik eta armaz lepo dabiltzan Guardia Zibilen presentzia. Ulertezina da 2019. urtean biolentziaren apologia egiten duten desfileak ahalbidetzea oraindik orain.

Guardia Zibilak Historio iluna du Euskal Herrian. Hamarkadetan zehar euskal herritar ugari atxilotu, torturatu eta erail ditu. Espainiaren batasuna inposatzeko terrore sistema oso bat ezarri du, herri honen eta herritarren askatasun goseari kontrajarriz.

Honengatik guztiagatik indar okupatzaileen berehalako errepliegea exijitzen dugu, bai eta indarkeriaren erabilerari uko egitea “una grande y libre” proiektua inposatzeko. Iruñeko jendartea indarkeriaren gorazarre eta inposizio berri honi errefusa egitera dei egiten dugu.